शिवाजीराव पाटील यांचे व्यक्तिमत्त्व व कार्य :

शिवाजीराव पाटील यांचे बालपण ग्रामीण संस्कृती व साधेपणात गेले. पुढे उदरनिर्वाहासाठी त्यांना मुंबई गाठावी लागली. पडेल ते काम करत अत्यंत खडतर परिस्थितीत त्यांनी आयुष्याची वाटचाल केली आणि संघर्षांना सामोरे जात स्वतःला घडवले. गावाकडची ओढ मात्र आजही तेवढीच असून समाजातील गरजू घटकांना मदत करण्याच्या उद्देशाने त्यांनी स्वामी प्रतिष्ठान ही संस्था स्थापन केली. प्रतिष्ठानतर्फे महाराष्ट्रातील सर्वात मोठी आणि सर्वात लोकप्रिय सेलिब्रिटी दहीहंडी साजरी केली जाते. महाराष्ट्राचे लाडके आणि कार्यक्षम मुख्यमंत्री श्री देवेंद्रजी फडणवीस दरवर्षी या दहीहंडी उत्सवाला हजेरी लावतात. या दहीहंडीमधून जमा होणाऱ्या निधीचा उपयोग करून शिवाजीराव पाटील यांनी अनेक गरजू विद्यार्थी, पूरग्रस्त, रुग्ण, कामगार आणि गरजू कुटुंबांना मदत उपलब्ध करून दिली. महिलांसाठी अत्याधुनिक यंत्रणेद्वारे कॅन्सर तपासणी करून अनेक माताभगिनींची सेवा केली.